ЧУБАРУК
Зи чубарук хтана вун яргъарай,
Ша зи капал ацукь, за ваз т1уьн гуда.
Вун хквезва - чир хьанай заз ахварай.
Хайи чили гьамиша ваз чин гуда.
Гьинва вуна ахъагъай кьван шарагар?
Абуру кьил ч1угвадани кьеризни?
Бахтлу хьурай! - ая цавуз карагар,
Валлагь, зинни акурди туш вилизни.
Зи шарагар- балаярни яргъариз
Акъатнава кьил хуьз чпин гьабурни.
Чун герек я жуван хайи дагълариз,
Тахьайт1а чи квахьда ч1ални, абурни.
Гила вуна, кьарни сам гъиз, зирекдиз
Муг айида, мад ахъайда шарагар.
Эгер са зат1 хьайит1а ваз герек тир,
Заз лагь вуна: айида за агакьар.
Зи чубарук фадлай чун кьвед вахар я,
Чаз чи сирер, чи мурадар чизава.
Дуьнедлай лув гайит1ани, чизва чаз:
Чун хуьзвайди гьа и багъри дагълар я.
Чубарук
© Copyright: Тамила Хуршидова Салманова, 2023
Свидетельство о публикации №123062804695
Свидетельство о публикации №123062804695
Рецензии