Сифте сефер,акуна заз хъсан руш,
Милайим хъвер,седеф сарар авай руш.
Хъуьхъвер лацу,п!узар яру бубу хьтин,
Шефтел тарцин бегьер я чи,Диана.
Ваз Аллагьди,лап гуьрчегвал ганва,
Ваз Аллагьди,дуьз инсанвал ганва.
Диана вах, къизилгуьлдиз ухшар я,
Шамси-къемер,гъед яни зи, Диана.
Шамсиятаз вун,цуькведин са багъ я,
Вадимаз вун,дагъларин са бриллиант я.
Марьямаз вун,гуьзел Тават диде я,
Чубарукдин мани я чаз,Диана.
Къацу тамар,къацу ч!урар рахазва,
Мулдин цуьквер,алван цуьквер рахазва.
Диана вун,шииратдин макан я,
Вун чи халкьдин, т!авус руш я,Диана.
Агъзур хиял рик!яй физва вакай руш,
Агъзур жуьре къизил ава алемдин.
Агъзур касдиз гана вуна куьмекар,
Гъуцари ваз чан-сагъвал гурай руш.
За ви буржи тамамарна Мурада,
Лагьай к!валах авуна за Диана.
Ви рик!е авай мурадрихъ вах,агакьрай,
Лезгистандин экв я вун руш,Диана.
Мурад Тагирбеков
10.06.2023йис.
Диана
© Copyright: Мурад Тагирбеков, 2023
Свидетельство о публикации №123061404237
Свидетельство о публикации №123061404237
Рецензии