Зи гьиссериз хьайи шерик
За къеледиз гана зи рик1
Пак фикиррин хьанач есир
За чарариз ахъайна сир.
Къелем хьана стха -даях,
Чарчикайни кьуна за вах.
И пак кьве зат1 квачир гунагь,
Гьар камуна я заз панагь.
Вуж захъ галаз хьайт1а рафтар,
За ахъайда жуван дафтар,
Зи дустариз зи алхишар,
Зи теснифар - зи багъишар !
Низ к1ан хьайт1а хаз зи хатур,
Чар къалхан я къелемни тур.
Вуж рахайт1а ч1уруз, нагьахъ
Агакьда квел вахтунда гьахъ.
Зи гьиссериз хьайи шерик
© Copyright: Тамила Хуршидова Салманова, 2023
Свидетельство о публикации №123060702662
Свидетельство о публикации №123060702662
Рецензии