Руш хтана мектебдай
Шаддиз: мад вад къачуна.
Руш дидедин метлебдай
Физва ибрет къачуна.
Гьамиша хьиз, руш - куркур
Гьахьна дидед къужахдиз.
Ахъайиз акур-такур,
Ухшар хьанва булахдиз.
Кап элягъиз кьилелай,
Суал гузва дидеди:
Ваз дидедин гьи чка
К1анда? – лагь кван эбеди.
– К1анда вири чкаяр!
Санал к1анда, диде чан!
Тавуна гьич апаяр,
…
Вун гьахъ я, жеч са гаф ваз,
Са чкадин яхъ кван т1вар.
Вуч к1анда, лагь, гзаф ваз
Гъилер, к1вачер, чин, ч1арар...
Къудганна руш къарагъна:
Дуьм килигна вилериз:
Гила за вун паярдан
К1вачеризни кьилериз?
Заз к1анда чим къужахдин,
Авай лайлад авазар,
Мердвал ава булахдин
Теменарни тавазар.
Руш хтана мектебдай
© Copyright: Тамила Хуршидова Салманова, 2023
Свидетельство о публикации №123060702656
Свидетельство о публикации №123060702656
Рецензии