Даим вун гьахъ яз, ви гаф жен винел,
Вун гьалтай ч1авуз хъвер жен зи сивел...
Тахьайт1а вун захъ галаз жеда хъел.
Икрагь хьана зун ви хъилерикай,
Зун Урусат я, вун – Америка
Ви буйругъар за, тецигиз чилел,
Тамамна к1андай ваз фад элбаэл.
Тахьайт1а вуна хар къурдай кьилел…
Амма кич1 амач ви гъилерикай,
Зун Урусат я, вун – Америка.
Гьикьван эхда за ви гужни зулум,
Ви кфирвилиз гуз жезмач дурум,
Инсан икьван пис жедани, залум.
Зи гел ат1уз к1анз мел-мехъерикай?!
Зун Урусат я, вун – Америка.
Хуьз аквамир ваз за жуван абур,
Кутягь жеда са йикъуз зи сабур.
Акъудун жеда къакъарай гапур,
Квахьдайвал эхир вун вилерикай…
Зун Урусат я, вун – Америка.
Зун Урусат я, вун Америка
© Copyright: Тамила Хуршидова Салманова, 2023
Свидетельство о публикации №123060702653
Свидетельство о публикации №123060702653
Рецензии