Чи хуьре ваз,ава гьуьрмет,
чи куьчейда,ава девлет.
Чи к!вале ви,ава тариф,
Сагърай чи мирес,Мусаиб дах.
Пуд веледдин буба я вун,
Вад хтулдин буба я вун.
Кьве сусан апай я вун.
Сагърай чи мирес,Мусаиб дах.
Стхайриз вун дагълар я,
Вахариз вун багълар я.
Къуншийриз вун тарих я,
Сагърай зи мирес, Мусаиб дах.
Зегьметдал рик! алай кас,
Хизандал рик! алай кас.
Миресрал рик! алай кас,
Сагърай зи мирес,Мусаиб дах.
Къаридиз вун савкьат я,
Дидедиз вун шабагь я.
Хтулриз вун чирагъ я,
Сагърай зи мирес,Мусаиб дах.
Гьар к!валахдиз вик!егь я вун,
Гьар са кардиз зирек я вун.
Гьар дерденин дарман я вун,
Сагърай чи мирес,Мусаиб дах.
Мурад Тагирбеков
07.04.2023 йис.
Чи Мирес Мусаиб дахдиз
© Copyright: Мурад Тагирбеков, 2023
Свидетельство о публикации №123060606131
Свидетельство о публикации №123060606131
Рецензии