Махмаран, сирла-ц1ен коч сегайеш,
Йезчу туплен, лекха к1ажаш детташ,
Лела йо1 ц1еста к1удал а лестайеш,
Сан корах къайлаха б1аьрга бетташ.
Кхоьруш ву, куьце йо1 йезайаларна,
Хьалххе хаьа, х1ун хира ду т1аьхьа,
Кхоьру безамо реч1ане чулалларна,
Синхьовзам хиларна, дукха къаьхьа.
Беъча ларамаза, безамо саб1арздо,
Г1айг1ане текхаво, ц1ингаш бетташ,
Тешам шех байар, цуо атта б1арздо,
Йуьх-йуьха а текъаш, дагчу г1ерташ.
К1айчу г1овталца, деза чоа а духуш,
Реза вац ведда, шовдане д1ах1отта,
К1еда велалуш йо1е б1аьрг а тухуш,
Говза дош олуш 1ехош цуьнан корта.
Махмаран, сирла-ц1ен коч сегайеш,
Йезчу туплен, лекха к1ажаш детташ,
Ма лела хаза йо1, к1удал лестайеш,
Сан корах къайлаха б1аьрга бетташ! (С) 28.05.23.
К1удал
© Copyright: Муса Вольф Айдамиров, 2023
Свидетельство о публикации №123052804708
Свидетельство о публикации №123052804708
Рецензии