Квац1аби т1угьдузул рет1улеб къоялъ,
Сивакь санда цо т1егь т1егьан бихьана..
Т1аде х1ур ккелилан гъорлъаги бахъун.
Батулеб бак1алда бат1аго лъуна.
Инсул пасих1лъи жинца босарай,
Эбелалъул г1уц1и жиндие щварай
Х1ал ккедал классалъе кийго ятулей ,
Маликат г1адинай ятуларо яс..
Муг1рул гьаваялъул сог1аб ракьалда ,
сабурго къач1араб къиматаб гегу.
Муслимат биччанте дур г1умродул нух,
сангарал къач1ого бокьухъин ине …
Кумек гъвариг1индал аск1ов ватулев,
МаслигIаталде нух дуца бахъулев
ЦIицIиял гIелазе гIемерал соназ,
Мух1амад кидаго мисаллъун вук1а…
ЛъагIелал сверула сагIтал тирула
Тола заманаялъ жиндирго лъалкIал.
Х1исаб суалъе махщел буго дур,
Х1усен гьеб хасият хисизе тоге.
ЛъикIаб гIамалалъги гIаданлъиялъги,
ГIумру берцинлъула къимат борхула…
Законги гIадлоги Иман исламги,
Кире ккананиги нужеца ц1уне!!!
4 класс выпуск 2023
© Copyright: Аминат Максудова, 2023
Свидетельство о публикации №123052802337
Свидетельство о публикации №123052802337
Рецензии