Песнь 143

Благослове'н Госпо'дь Бог мой,
науча'яй пе'рсты моя' на ополче'ние,
ру'це мои' на брань.

Ми'лость моя' и прибе'жище мое',
мой Засту'пник и мой Защи'титель,
мой Изба'витель, и на Него' упова'х,
под мя повину'яй лю'ди моя'.

Что есть челове'к, Го'споди,
я'ко eму' позна'лся еси'?
Или' сын челове'чь, я'ко eгo' (и) вменя'еши?

Челове'к суете' уподо'бися:
дни'е eго' прехо'дят я'ко сень.

Го'споди, приклони' небеса', и сни'ди,
косни'ся гора'м, и воздымя'тся,
мо'лнию блесни', и разжене'ши я',
Твоя' стре'лы посли', и смяте'ши я'.

Твою' ру'ку с высоты' посли',
от вод мно'гих мя изми' и мя изба'ви,
из сыно'в чужди'х руки',
суету' глаго'лаша и'хже уста',
и десни'ца их – непра'вды десни'ца.

Но'ву песнь, Бо'же, Тебе' воспою',
во псалти'ри десятостру'ннем Тебе' пою',
спасе'ние царе'м даю'щему,
избавля'юшему Своего' раба', Христа,                (Дави'да)
от меча' лю'та.

Из ру'ки сыно'в чужди'х изба'ви мя, и изми' мя,
суету' глаго'лаша и'хже уста',
и десни'ца их – непра'вды десни'ца.

И'хже сы'нове их я'ко новосажде'ния
водруже'нная в свое'й ю'ности,
я'ко подо'бие хра'ма,
удо'брены, преукра'шены их дще'ри.

Храни'лища их испо'лнена,
от сего' в сие' отрыга'ющая,
многопло'дны их о'вцы,
мно'жащыяся во исхо'дищах свои'х,
воло'ве их то'лсти.

Ниже' во'пля в сто'гнах их,
несть опло'ту паде'ния,
прохо'да ниже',
ублажи'ша лю'ди, и'мже суть сия'.

Блаже'ни лю'дие, их Госпо'дь Бог и'мже.