Песнь 142

Го'споди, мою' моли'тву услы'ши,
услы'ши мя в Твое'й пра'вде,
моле'ние мое' во Твое'й и'стине внуши',
и в суд с Твои'м рабо'м не вни'ди,
я'ко не оправди'тся всяк живы'й пред Тобо'ю.

Погна' враг мою' ду'шу,
смири'л есть мой живо'т в зе'млю,
посади'л есть в те'мных мя,
я'ко ве'ка ме'ртвыя.

И уны' дух мой во мне,
во мне смяте'ся мое' се'рдце.
Помяну'х дни дре'вния,
поучи'хся во всех де'лех Твои'х,
поуча'хся в Твое'ю руку' творе'ниих.

Возде'х мои' ру'це к Тебе',
душа' моя' Тебе', я'ко земля' безво'дная,
мой дух исчезе',
Го'споди, ско'ро услы'ши мя,
не отврати' от мене' Твоего' лица',
и низходя'щым в ров уподо'блюся.

Я'ко упова'х на Тя,
сотвори' мне зау'тра
слы'шану ми'лость Твою'.

Я'ко к Тебе' взях мою' ду'шу,
скажи' мне, Го'споди, путь во'ньже пойду'.
Я'ко прибего'х к Тебе',
изми' мя от враг мои'х, Го'споди.

Научи' мя твори'ти Твою' во'лю,
я'ко Ты еси' Бог мой,
я'ко аз есмь раб Твой,
Дух Твой благи'й наста'вит мя на зе'млю пра'ву.

Ра'ди И'мене Твоего', Го'споди,
живи'ши мя Твое'ю пра'вдою
и ду'шу мою' от печа'ли изведе'ши,
потреби'ши моя' враги' Твое'ю ми'лостию,
и погуби'ши вся стужа'ющыя мое'й души'.