Сэ лъэгърэным слъэ ислъхьан,
Сыгу къеджагъэм ыуж сихьан:
Силъэуж гъуантIкIоу лантIэ,
ОдкIэ-мыдкIэ ащ зеIуантIэ.
Пхъотэ Iухыр - зэу ункIыбз,
Дэшхо къутэр - шIыкIэ хабз,
Нэм ылъэгъурэр цэм къыхьытэп,
Aу акъылым зи текIотэп.
Къиныр сэхъу, ау зафэстырэп -
Симэхагъэ кафэгъотырэп:
Сиакъылы зесэгулIы,
Сэ сэгуаIэ, зысэгъэлIы!
ПкъэукIэфылъэу хэт сиIэтыр?
УпчIэ зэкIэ сызыхэтыр:
Тэ къэкIыта, тэ кIожьыта,
Сыфэета, къысфадэта?
Ау сигъогу лъэкIуатэ:
Зэ ефэхы, зэ мэлъатэ;
КIэбгъуцIэлъы мэлъэпао,
Мыбыбышъоу мэтэмао.
Зэ зэпэтхъы, зэпэкIэжьы,
Ебэджыгъэу къэтэджыжьы,
ЗеутхыпкIышъ ар ежьэжьы -
ЗыкъешIэжьы, гу ешIыжьы.
Насып псыхъуи къыдрекIокIы -
ЧIыпIэ зэжъум сырегъэкIы:
Гъогоу скIугъэу ар сауж,
Сигугъу рашIэу - СИЛЪЭУЖ!
Силъэуж
© Copyright: Анатолий Зекох, 2023
Свидетельство о публикации №123041402326
Свидетельство о публикации №123041402326
Рецензии
