Г1азуго балареб хасел к1варич1о,
Хурзал рекьулареб ихги к1варич1о.
Гъут1би т1егьалареб апрель к1варич1о,
Бух1ун бакъ щолареб рии к1варич1о.
Рокьуца лъукъич1еб керен к1варич1о,
Ралагьизе к1веч1ел берал к1варич1о.
Жаниб г1акъло гьеч1еб бет1ер к1варич1о,
Г1акъуба бихьич1ел х1ат1ал к1варич1о.
Жаниб иман гьеч1еб рак1ги к1варич1о,
Садакъа кьоларел кверал к1варич1о.
Талих1 жаниб гьеч1ел рукъзал к1варич1о,
Жиб рик1к1ун г1олареб г1арац к1варич1о.
***
© Copyright: Аминат Максудова, 2023
Свидетельство о публикации №123041100361
Свидетельство о публикации №123041100361
Рецензии