Ч!ур хьанва,михьиз дуьнья.
Гъвеч!идалай,ч!ехидалди.
Гьуьрмет-хатур,ийизвач къе.
Ислягь хьурай,чи дуьнья.
Инсанарни хьанва вагьши.
Ягь-намус гьич,чин тийизвай.
Рик!ер къайи,гъуьлягъар хьтин.
Ислягь хьурай,чи дуьнья.
Вад йикъан мугьман я ваз,
Гьиниз катда я дуьнья.
Вакай фикир,кхьизва за,
Ислягь хьурай,чи дуьнья.
Харап!адиз элкъвенва вун,
Чи вилерал ала накъвар.
Рик! ишезва куьн паталди,
Ислягь хьурай,чи дуьнья.
Сефил жемир вун икьван,
Рик! дар мийир вуна дуьнья.
Шад инсанар акур ч!авуз,
Ислягь жеда,чи дуьнья.
Пехил ксар атай ч!авуз,
Къал акъатда дуьньяда.
Хуш инсанар акурла чаз,
Дуьнья гьамиша,хъуьрез жеда.
09.11.2022йис.
Дуьнья
© Copyright: Мурад Тагирбеков, 2023
Свидетельство о публикации №123040805698
Свидетельство о публикации №123040805698
Рецензии