Яраб вунни ятlа килигиз исят,
Бахтавардиз кузвай и лацу вацраз?
Тахьайтlа йикъалай хьанавай галат,
Ксана, ахварай аквазва ам ваз?
Махар ахъайзавай кьуьзуь баде хьиз,
Кlватlна вичин кьилел гъвечlи бицекар,
Вацра ихтилатиз ава гъетериз,
Налагь куьтягь тежер са саф севгидкай.
Варз шем я, гъетерни чlепелукьар я,
Хабарсуз ашкъидин цlаюна кузвай.
Туштlа, бес ихтилат абрун квекай я?
Белки буш умуд я вацранди, гузвай?
Кузватlа, вучиз бес руьхъ жезвач абур -
Милярд сар гьа айни авай са гьал я?
Ракьун дурум ятlа, я ади сабур -
Чlур жезвач гъетерин даими гьалай?
Ашкъ тиртlа эгер ам, икьван къайивал
Гудачир абуру цавуз, чилериз.
Ашкъ чид я, яргъарай за ви хайивал
Гьиссзава! Чим гузва вуна зи рикlиз!..
04.04.2023
***
© Copyright: Намик Фарзалиев, 2023
Свидетельство о публикации №123040402820
Свидетельство о публикации №123040402820
Рецензии