Аз хьогара безам бийхабацар цхьаккха,
Лайл йийрза й1овхал шеллалца д1аув,
Хьона моттар, 1айха соца лаьца дакъа,
Дагалоаттар хинна са курало чукхувла.
Хьона моттар, 1айха кастта дийца фаьлгаш,
Аз берий хана в1алла дийшадац.
Вешта, уж-м массаза хулар мерза чакхадоалаш.
Сона хьогара къахьал мара ейнаяц.
Ма мотта, 1айха керда кийчаяь кепа,
Са ши б1арга х1аь т1а баьнна 1отталургъя,
То11ал кхихьадар боккъала сибат къайла,
Тахан вай шинне наькъаш декъалургда.
Саготта ма де рузкъа кхоачаденнад аьнна,
Хьа хьежархой хила дукха боаг1аргба,
Наггахьа 1а зуй цу б1аьнех цхьане г1анда,
Миск, 1овдалг баге йийла ягъаргья!
1овдалг
© Copyright: Дали Цечоева 77, 2023
Свидетельство о публикации №123032004445
Свидетельство о публикации №123032004445
Рецензии