Виридалай я вун иер,
Мезни я ви ширин шекер,
Туп1алдавай къаш Фарида,
Тарифда хуш яз вирида.
Ашукь хьанва зун и рушал,
Буйдизни я гуьзел шумал,
Варзни рагъни гьуьжетдава,
Яргъай зи яр гуьзетзава.
Зи хиялра ам гва патав,
Чил сад я чи, сад я чи цав.
Хияларни мукьва я чи,
Гьар са жигъир я чаз уьлчуь.
Муьгьуьббат я ч1ехи девлет,
Ярдиз зиди я хьи минет,
Сада садан тахан хатур,
Чун кьвед сад я, ашкъи акур.
Захъ рик1 ава ваз муг жедай,
Рекьер к1вачик лап руг жедай.
Зунни зи яр бахтлу хьурай,
Халкьдин вилик адлу хьурай.
Фаридадиз
© Copyright: Нажмудин Шихнабиев 2, 2023
Свидетельство о публикации №123031207921
Свидетельство о публикации №123031207921
Рецензии