Ойла хили байташ язъян
Сан дуьненан х1уманах.
Коьртехь эзар бийцам луьсту:
Дех-ненах... я 1аламах...
Ткъа ойла сан цхьанхьа йоьрзу,
Юха хьовззий кхечанхьа..
Т1аккха иза чолхе хилла
Яха масса генна д1а.
Ванах сан сагаттдеш х1ума
Хила а ца хилла те?!
Тахкош йолу йо1 д1айижча,
Хьалахьаьжи со батте.
Х1ар дуьне ма мерза дац-кха
Кхунах байташ язъян ас.
Мел ч1ог1а ахь ша хьистича
Кхунна ца хаьа ян бен вас
Х1арам аса байташ язъян
Хьакъ ца хилла хиллане..
Берриге а безам - Цхьаьнга,
Кхоьллинчуьнга х1ара дуьне!!!
***
© Copyright: Хава Эльдерханова, 2023
Свидетельство о публикации №123031107995
Свидетельство о публикации №123031107995
Рецензии