Ина кана чlулав хьанва муьткверар,
Ина ясдиз элкъвезава мехъерар.
Ина живер цава амаз цlразва,
Ина марфар бугъ жезава цlаяра.
Барутдин ни къвезва ина гьавадкай,
Ина авай ихтилатар - дяведкай!
Верхьин ттарар мад такабур гваз амач,
Кьуранва нагъв, цlвелин ттарар шезамач.
Ина гатфар вилив хуьзмач цуцунди,
Мани хъулгьуч мад Днепр вацlуни.
Ван хкведач квез ничхиррин, къушарин,
Эхъуьзавай вилер вили рушарин.
Ина ахквач джар - нуькlерин мукар мад,
Ина къацу хжеч тамар, рукар мад.
Лув гузвайбур инай - чlулав хабарар,
Из дидейрин рикlерал хер, къабарар.
Гьар са пата ина кьиникъ экъвезва,
Адан кьилин шегьерриз ван текъвез я.
Ана чими креслойрал ацlукьна,
Хабар тушиз вуж сагъ я, вуж куьцуькна -
Муьгьуьм крар гьялзава, луз: агалкьун!
Нин пагондал гъед хьурай, низ медал гун...
03.01.2023
Ина...
© Copyright: Намик Фарзалиев, 2023
Свидетельство о публикации №123022603485
Свидетельство о публикации №123022603485
Рецензии