Ваз чи багъдай эверзава билбилри,
Ваз чи дагъдай гьарайзава лекьери.
Ваз чи элдай эверзава инсанри,
Вун къизилдин цуьк яни руш,Бесханум.
Ви суракьда акъвазна къе пачагьар,
Ви гелера къекъвезва къе ашукьар.
Ви суракьда авазва къе жегьилар,
Вун арандин цуьк яни руш,Бесханум.
Зи гафар на,кьабул ая гьуьрметдив,
Зи шиирар,к!ел ая руш,Бесханум.
Зи хатурда кхьизва за ваз ч!аларни,
Вун Илгьамдин цуьк яни руш,Бесханум.
Зун дагълара къекъвезава гуьзелрихъ,
Гуьзел рушар,женнетда лап т!имил я.
Зун аранда къекъвенава,къушарихъ,
Вун Фиригърин цуьк яни руш,Бесханум.
Ви кьве рушаз,акурла вун чирагъ хьиз,
Ви вахариз,тарих я вун са мах хьиз.
Ви къаридиз,ви къужадиз, къизил хьиз,
Вун хтулриз шадвал яни,Бесханум.
Вун дидедиз,вун бубадиз,къизил я.
Вун вахариз,вун стхайриз,нямет я.
Вун къуншийриз,вун мукьвабуруз,халикь я.
Вун Аллагьди гайи кас я,Бесханум.
16.02.2023йис.
Бесханум
© Copyright: Мурад Тагирбеков, 2023
Свидетельство о публикации №123022508067
Свидетельство о публикации №123022508067
Рецензии