...Агь, гъамарин пар алаз,
Къвазва кьилел юргъ.
Рик1ел к1ани яр алаз,
Акъатзава йугъ.
Рик1ел ашкъид пар алаз,
Хъуькъвер я къекъиф.
Мецел ярдин т1вар алаз,
Акъатзава йиф.
Катдай хьи зун парцикай,
Гадарна к1улай.
Гьиниз катин т1варц1икай,
Такъатир рик1яй?
Эх хъижезмач… залан я…
Ч1ух жезва зи рик1.
Лап ажални хъсан я,
Уьмуьрдалди ик1.
Эхь, винелай инсан я,
Амма канва рик1.
Зун дердерин са чан я,
Сагъ амат1а гьик1?..
Еб ч1угуна тарцикай
Куддани бес жув?!
И гъамарин парцикай
К1уддани бес жув?!
Багърида заз къалурдай
Ряхъ амачни са?
Ч1улав уьмуьр ч1агурдай
Гьахъ амачни са?
Агь, гъамарин пар алаз
© Copyright: Тамила Хуршидова Салманова, 2023
Свидетельство о публикации №123022409083
Свидетельство о публикации №123022409083
Рецензии