...Инсан икьван ухшар женни ракъиниз !
Заз гьак1 хьана вун гьахьайла рик1иниз.
Рак ахъайна захъ ви нурар галукьна,
К1валин юкьвал гъуьргъуь хьана амукьна.
Ви нурар за яргъалламаз кужумна,
К1вачер гъуьргъуь, гъилерни зи аватна.
Ви гьиссери зал элбаэл гьужумна,
Зи сефилвал ,зи серинвал алатна.
Вун зи чими рагъ тирди за кьат1ана,
Яргъа жеда алугардай ц1аяркай.
Вун авай кьван зун сагъ тирди кьат1ана,
Къурху амач саврухрикай, къаяркай.
Инсан икьван ухшар шенни ракъиниз
© Copyright: Тамила Хуршидова Салманова, 2023
Свидетельство о публикации №123022409082
Свидетельство о публикации №123022409082
Рецензии