**
Таквазвайдаз рикIин гьарай
Зи кисунин ван къведа жал?
Квахьнавайла рикIин кьарай,
Чиг гьиссерал чан къведа жал?
Са зилиди хъвазва иви,
Ам алуддай аман авач.
Залумдин ацIузвач гуьзуь,
Я вичихъни иман авач.
Кумач зак чан, ивид стIал,
Амма зили алатзавач.
Хъухъ тIун, залум, зи рикIин тIал,
Яраб вав тIал агатзавач?!
ТIал жеда – гьисс, рикI хьайила,
Амма хура къван ава ви.
Закай азад нуькI хьайила,
Залум пеле къан ава ви.
Хьурай тIун рагъ, хьурай тIун нур,
РикIевайди бес йиф тушни…
Жегьил уьмуьр хьана хьи мур,
ИкI фир уьмуьр гьайиф тушни?
Таквазвайдаз рик1ин гьарай
© Copyright: Тамила Хуршидова Салманова, 2023
Свидетельство о публикации №123022409081
Свидетельство о публикации №123022409081
Рецензии