Фад, лув це на зи гуьруьшдиз,
Тамир вилер рекьел алаз,
Дак1арда вацран нехишдиз
Ялвариз, вун рик1ел алаз.
Чидачир заз гатфарни гад,
Кьуьдни, зулни сад жедайди.
Муьгьуьббатдин чидачир дад,
Ик1 бахтлуни шад жедайди.
На авуна зун даим шад,
Сад-Аллагьди заз гайиди.
Гьич са зат1ни к1амач заз мад,
Бес я вун патав хьайиди.
Ви гъиляй зи ахъаймир гъил,
Зун гарари тухудайвал.
Гьамиша вал алай зи вил,
Рик1ин сир ваз лугьудайвал.
Фад, лув це на зи гуьруьшдиз
© Copyright: Тамила Хуршидова Салманова, 2023
Свидетельство о публикации №123022409078
Свидетельство о публикации №123022409078
Рецензии