Ахь иэхьаца хьуламехь латтийнарг
оцу иэхьо къорачу маттаца дуьйцура соьга...
Ас лоррий ладоьгlура башхачу цу матте, йуха и гоч а деш дуьйцура даге:
"Ас муха.., хlун дийца шех тера хlумма а доцчу цу адаме?
Со эхан-ах а вуй цуьнгарчу амалца вуьстича?"
Ишттачу хаттарех йуттура лазаме гlала,
Йуха цу ойланца Хlуттура со вухавала.
Хьан дийцар маьlне а, тийна а хуьлура массо а хенахь,
Хьан хаттарш, жоьпаш а дара-кхи даим а иштта...
Хьох кхета мотт оьшу — цахуург цхьана а дена,
Ахь суна lамийнарг, хьайх йоьзна ойланаш листа...
141 Хьох кхета мотт оьшу
© Copyright: Исхан Матагов, 2023
Свидетельство о публикации №123021900490
Свидетельство о публикации №123021900490
Рецензии