Нохчийчоь, ши ун ду хьуна:
Барзах цхьа ун даьлла хьуна,
Важа ун зуьдах ду хьан.
БIешеран коьртехь цкъа-шозза
Хьан берзан ун карзахдолу,
Борз хуьлий, хьо гу тIе йолу.
ЦIоз санна, тIелетий хьуна,
ЧагIалкхаш дог даа хIуьтту,
ХьаргIанаш бIаьрг баа хIуьтту.
Зуд самадолу хьан тIаккха:
«Со борз йац, зуд ду со!» — бохуш,
Хьан зуьдан ун карзахдохуш.
Нохчийчоь, со мича гIуо хьан?
Хьан хенах иэс а ца кхочу.
Хьан лаьттахь каш а ца кхочу.
Со борз йац, амма дац зуд а:
Борз хилла, гу тIе цавийларх,
Зуд хилла, гуй тIе ца хьийза.
Йа барзах угIа цалуург,
Йа зуьдах цIийза цалуург —
Нохчийчоь, со мича гIуо хьан?
Йа маца вола со йуха?!
Абдулаев Леча 1996 шо
Нохчийчоь, ши ун...
© Copyright: Леча Абдулаев, 2023
Свидетельство о публикации №123021702121
Свидетельство о публикации №123021702121
Рецензии