Не здрадзіць думкам і не здрадзіць веры --
Такі дэвіз патрэбен сёння людзям.
Я ведаю: нам час адчыніць дзверы,
Мы памяць дзён украдзеных здабудзем.
Ну, а пакуль -- гартуемся ля мовы,
Шануем слова матчына, святое,
Каб веды паспрыялі ў часе новым,
Дзе будзе ззяць сячэнне залатое.
Ты чуеш, брат, як вольныя пачуцці
Ўздымаюць крылы думак для палёту?
Там голас Беларусі будзе чуцен,
Там кожны з нас пачуе долі ноту.
Глядзі, дачка! -- Вясна да дзеяў кліча!
Мы без яе -- бы птушкі без Радзімы.
На палатне зямлі -- нябёс аблічча
І позірк Бога чысты і праўдзівы.
Вясновы час нам верне тыя думы
З якімі жыў Скарына і Купала...
Пазбавіцца зямля тугі і тлуму,
З якімі не жыла, а проста спала.
11.02.2022.
Дэвiз
© Copyright: Валерий Познякевич, 2023
Свидетельство о публикации №123021404318
Свидетельство о публикации №123021404318
Рецензии