Цхьана йуьртахь lаш цхьа стаг хилла… Шен леларехь а, вистхиларехь а, чlогlа самукъане стаг хилла иза. Кест-кеста долуш хилла цуьнгара, нах белош, наха забаренна вовшашка дийццал хlума.
Вуьйцург цхьана дийнахь тезета вахаваьлла… Тезета дlакхаьчча, тlаьхьа тlебогlучех бlаьрг а кхаьтта, уьш шена тlекхуьуьйтуш кетlахь сецна хилла иза. Хlаъ… Иштта лелаш гlиллакх а, lадат а ду иза.
Тlебаьхкинчара, тlехьаьжна хlара шайл воккха а хаьтта, хlара хьалхатеттина шаьш тезета доlина тlедоьлхуш.
Тезет долчу наха, дехьа-сехьара тlеоьхучех берш, йуьхь гиначул тlаьхьа буьтуш ма ца хиллара, хlорш а йухаберзийна кадам ма-бинна.
Тезета шаьш тlедоьлхуш, шеца керта баьхкинчара ша хьалхаваьккхина хиларх там хиллачу кхуо, шен хlусамнене телефон туьйхи бохура: «Зуда, дlатиллалахь хьайн коьрта йовлакх, хьан цlийнада дика-вуонехь хьалхатетта волийна хьуна» аьлла.
96 Зуда, дlатиллалахь хьайн коьрта йовлакх
© Copyright: Исхан Матагов, 2023
Свидетельство о публикации №123021307097
Свидетельство о публикации №123021307097
Рецензии