— Хlун ду, кху дахарехь хьо воккхавеван? — оцу хаттарна жоп лехира цуо кхуьнгара.
— Дахарца бац, ткъа, декъалалле боьду некъ а? — хаттарна дуьхьал хаттар а хlоттош довзийтира кхуо жоп.
— Доьзал буй хьан сакъерадала? — бlаьргаш чу бlаьргаш а богlийна, лерса а ирдина хьаьжира иза, кхуьнга.
«Бац» аьлла, оцу хаттарна жоп дала, цхьана марзонах эхь хийтира кхунна.
Эхь хийтира: кху дахарехь кхин сов «адамна — адам дезар» хир а дуй-те аьлла, сов тlех «шен вежарийн бераш дезар» шен даге диллинчу Делах а, шен дог а, кийра а буьзна, ша токхвина латточу, цаьрца ша кхобучу марзонах а.
Матагов И.
82 Эхь хийтира
© Copyright: Исхан Матагов, 2023
Свидетельство о публикации №123021204235
Свидетельство о публикации №123021204235
Рецензии