Со цкъа декъал хилла ву,
хьо цкъа хьекъалх тилла йу.
Хьайн а, сан а lуьйре ахьа,
суна йити сан са дахьа.
Сайна дитнарг сайца эцна,
сайца диснарг сайха тешна,
хьох а тешна, сайх а тешна,
аса-м, иштта, дуьне хьешна.
Со цкъа декъал хилла хилча,
хьо цкъа хьекъалх а тилла хилча,
хьан а, сайн а lуьйре эцна
гlуо со генна сайн йорт хецна?
lуьйре, суьйре йоцург ду сан,
хьоьца йоцу хан а йу сан.
гlан а ду — хьо герга йалон,
декъалалле вухавалон.
Безамо, хьан, баьхьна хье а,
сох йен ойла денна хьекъаш,
со ца гина хlора де а,
воллу хьоьца нийсса декъа.
41 Со цкъа декъал хилла ву
© Copyright: Исхан Матагов, 2023
Свидетельство о публикации №123021004852
Свидетельство о публикации №123021004852
Рецензии