Дуьне а ги, дуьненна со а ги —
хинйолчу lожална дуьхьала воьдуш,
бакъ йа харц некъашкахь йукъкара дохко а вуьйлуш,
дог сецош, харцонна гамонца цергаш а хьекхош,
къаьхьаниг, мерзаниг дахаран кедара муьйлуш,
дуьне а ги, дуьненна со а ги —
цкъа воьлхуш, ткъа, йуха воьлуш…
Дуьне а гиначохь, дуьненна гиначохь суо а,
дийцарехь теш хlитта долчохь сайн гlеметтан шо а,
ойлано кхиэл йарца синна шед тоьхначохь сайна,
хиллачу лазамах вуьйжира lазап ца лайна.
2021 шо
38 Вуьйжира lазап ца лайна
© Copyright: Исхан Матагов, 2023
Свидетельство о публикации №123021004693
Свидетельство о публикации №123021004693
Рецензии