Уьйрашка мел хаза бека хьо аьхна
Башха ахь хьал-де а хотту.
Хlун до хьо бицбина дуьненахь ваьхна,
Хьал долу, сан Ненан мотт?!
Вац, хьуна, цуьрриг со хьоьха къахеташ,
Йишйоьхна хьуна саготта.
Йемалбеш, дахарехь хьо дош ца хетарш,
Церан ду-кх къа, Нохчийн мотт.
Хилла хьо! Хир а бу халкъалахь бехаш,
Даймехкан хазалла йуьйцуш.
Нохчийн мотт, хьо болуш хета суо вехаш!
Доьзалца цхьаьна хьо буьйцуш.
Iамабе меттанаш кхечу а къоман,
Уьш хаар ду хьуна дика.
Амма, ахь биц ма бе лекханиг ломал,
Вайн маттахь аз хаза дека.
13 Нохчийн мотт!
© Copyright: Исхан Матагов, 2023
Свидетельство о публикации №123021000409
Свидетельство о публикации №123021000409
Рецензии