Ряден тир. Атана иер, лацу лиф,
К|евнавай дак|ардиз хьанавай илиф.
Лагьанай:- "Тур на зун, ша ваз зи гьайиф,
Вилик квайд нубатдин, я лап мекьи йиф.
Кьефесдал хер алай, саки рик|е кьван,
На лугьун кватнава хурукай зи къван,
Саврухри кутунва и тандик юзун,
Харари гатанвай са бедбахт я зун.
Тек са ваз ахъайин, за руьгьдин варар,
Алудин фаданлай хъим кьунвай т|ап|ар.
К|ела на, анавай ц|ай галай ц|арар,
Сан - гьисаб авачир гъамарин чарар".
...Лифрен руьгьдин къатар сад-сад элкъуьриз,
Ишезвай зун секинз накъвар туькьуьниз.
Акваз - акваз кьилел алай ч|арарал,
Лацу жив ацукьна къугъваз гарарал...
...Ярари нурарив кинарна милиз,
Ахварай аватна зун къудгъунна хьиз.
Кьве гъапа хурувди ик| игиснавай,
Ц|акул тир авайди - хайи атир квай...
Теране Керимова Оруджева
ЛАЦУ ЛИФ
© Copyright: Теране Оруджева-Керимова, 2023
Свидетельство о публикации №123020705314
Свидетельство о публикации №123020705314
Рецензии