Народ без лідэраў не здольны сам ісці
па шляху дзён, наканаваных лёсам.
Калі ў каня ты лейцы адпусціў --
шукай яго на лузе разам з возам.
Ці не таму сістэма чыніць гвалт,
знішчае тых, за кім народ пакрочыў?
Сягоння не адзін я --
Нас тут шмат,
хто не скарыўся здзеку, тлуму, ночы...
Гартую стрыжань, каб яго святло
Вяло да шчасця вольных беларусаў.
Каб не кранула думак нашых тло,
і не жылі мы болей пад прымусам.
Хто вольным быў -- той волі не прадасць.
Хто ім не стаў -- няхай яе здабудзе.
Бо воля -- гэта вера, а не жарсць,
яе куюць не лідэры, а людзі.
01.01.2022.
***
© Copyright: Валерий Познякевич, 2023
Свидетельство о публикации №123020208640
Свидетельство о публикации №123020208640
Рецензии