Падмурак нацыі -- народ.
Яго парушыць немагчыма.
Іначай -- знікне кісларод --
Жыцця пазбавіцца Айчына.
Хто мудрасць слоў не зразумеў --
Падмурак сёння вынішчае.
Замест яго нам узамен
Ён абяцае пернік з чаем.
Ці здольны сцены доўга жыць,
Калі падмурак раптам трэсне?
Дом страпянецца, задрыжыць,
Нібыта хворы дзед у крэсле.
Настане момант і для сцен --
Яны ўпадуць на той падмурак,
З якога воля прарасце...
А ты, браток, пра што падумаў?
04. 01.2022
Падмурак
© Copyright: Валерий Познякевич, 2023
Свидетельство о публикации №123020208605
Свидетельство о публикации №123020208605
Рецензии