Новы год прыйшоў у хату,
З лесу ёлку нам прынёс.
Белы снег ляжыць, бы вата,
Кліча з хаты на мароз.
Снег іскрыцца на ялінах,
Снег укрыў сляды дарог.
Снег для Зюзі -- не навіна --
З ім знікае боль трывог.
Прыпеў:
Зюзя, Зюзя,
Развяжы свой вузел.
Пакладзі ля ёлкі
Стравы для вавёркі.
Зюзя, Зюзя,
Ростам невялічкі!
Ён за спінай носіць
Мех ды чаравічкі.
У другіх краінах --Санта,
А ў Расіі -- Дзед Мароз.
Там, дзе ён -- заўсёды свята,
Падарункаў цэлы воз.
Ездзіць Санта на аленях,
А наш Зюзя на ласі.
Па-другому ён не ўмее,
Бо ў бару няма таксі.
Прыпеў:
Зюзя, Зюзя,
Развяжы свой вузел.
Пакладзі ля ёлкі
Стравы для вавёркі.
Зюзя, Зюзя,
Ростам невялічкі!
Ён за спінай носіць
Мех ды чаравічкі.
04.01.2017.
Дзiцячая навагодняя
© Copyright: Валерий Познякевич, 2023
Свидетельство о публикации №123020208585
Свидетельство о публикации №123020208585
Рецензии