Ты яшчэ не ведаеш аб тым,
Што з табою я крануўся Раю.
Ты над лугам -- сонейка уздым.
Я -- агонь, што з ночы дагарае.
Ты і я -- два сымбалі жыцця,
Для якіх расцвіў расою ранак.
Ты і я -- два светлых пачуцця,
Што жыццё для роздуму абрала.
У тваіх вачах струменіць дзень.
У маіх вачах квітнее лета.
Паглядзі! -- лілеі на вадзе
Асвяціў для нас уночы ветах.
Ты і я -- гармонія душы:
Песня лёсу і зямное кола...
Ты і я -- наш рай у шалашы,
Над якім зіхціць жыцця падкова.
07.01.2021.
Ты i Я
© Copyright: Валерий Познякевич, 2023
Свидетельство о публикации №123020208451
Свидетельство о публикации №123020208451
Рецензии
