Са сатем боабе лайра хьона,
Хьайца бола эшам 1а хьакхеллар.
Са дега 1унал де хайра хьона,
Дега д1оаг1а хьона аз д1адалар.
Сай хьалхара байта хетайир аз хьона,
Боврга боца безам хьона д1абалар.
Массаболча нахал хьо езаг1а ер сона,
Из хьона в1алла ха а лайнзар.
Хьоца сай ираз да моттар сона,
Са йола дога-уйла аз хьоца ер.
Дуненал езаг1а хьо хетар сона,
Ха-зама ялча со дехке ваьлар.
Са сатем боабе лайра хьона,
Хьайца бола эшам 1а хьакхеллар.
Дега т1а човнаш йитар 1а сона,
Къахетам боцаш цар т1а тух тасар.
Хьоца. Тобой
© Copyright: Ахмед Хамчиев, 2023
Свидетельство о публикации №123012402039
Свидетельство о публикации №123012402039
Рецензии