Сагърай

.Ц1ийи йисан вилик   Махачкалада "Мавел" чапханада  зи, "Кварцин нур" ктаб чапдай акъатна.  Ктаб гъилиз атайла, гьелбетда, зи шадвилихъни кьадар хьанач. Ам гьихьтинди хьанат1а къуй к1елзавайда вичи еридиз къимет гурай .
    Сад лагьай экземпляр за,  зун и дуьньядал акъудай, зи вилер ачухай, заз пис -хъсан чирай, заз ацукьдай -къарагъдай чка къалурай, зи кьве лув хьана, зи гьавадиз хкаж хьун чпелай аслу хьайи зи дахдизни дидедиз бахшна.
Белки и ктабни акъатдачир бязи инсанар, гьерекатар хьаначирт1а. Дуьз лагьайт1а, заз ахьтин къастарни авачир. Ам са бязи къени инсанрин таъсирдик кваз хьайи кар я. Гьелбетда инсанар гьар жуьрединбур я. Акъвазмир, кхьихь лугьудайбур пара хьана. Нетижада и ктаб арадал атана. Зав к1валах ийиз тур, зак руьгь кутур ва руьгьдай авудиз алахъай гьар садаз кьилди сагърай лугьузва за.
Аллагь квелай рази хьурай!
 
Зи яратмишунриз кьет1ен къимет гайи ктабдин редактор, сифте гаф кхьей филологиядин илимрин доктор, профессор, Дагъустандин халкьдин шаир Фейзудин Нагъиев, «Мавел» чапханадин регьбер Мегьамед Магьмудов  ва мсб. Са камалегьлиди лагьанай хъсан инсанар писбурулай гзаф я. Сагърай чеб  !