Гъамар – кIула, накъварин сел агудна,
Жегьил чанар дидейривай къакъудна.
Дявед йикье чанар ганай бубайри,
Къачузва мад чанар гила рухвайрин.
Дяве патал ханайни бес рухваяр,
Умудар тир, хьун Ватандиз архаяр.
Чун дявейрин цIаярикай азад тир,
Зегьмет чIугваз,жаван руьгьер абад тир.
Бязибуруз чилер жезвач акъакьар,
Чи мурадар тирни дяве, яракьар?
Умуд квахьай югъ атункай кичIезва,
Агъзур жуьре фикирри рикI эчIезва...
Чи кьилеллай цава ислягь нур хьурай,
Дявекаррин бед ниятар ч1ур хьурай!
Чилер-цавар къарсурзава дявейри. Ислягьвал хуьх гьарайзава дидейри.
Ислягьвал хуьх!
© Copyright: Тамила Хуршидова Салманова, 2023
Свидетельство о публикации №123011207722
Свидетельство о публикации №123011207722
Рецензии