Хьо ца хилча, хурга дац дуне,
Хьоца мара са вахар дац.
Хьо ца ейча, хул со маьлхара
Укх дунен т1а цхьаь виса.
Хьа ц1ерал сона хоза хеташ,
Лаьттан букъ т1ехь х1ама дац.
Сай сил дукхаг1а сона езаш
Хьол бочаг1а цхьаккха яц.
Хьо ца ейча, массаза а,
Са дега, хьона б1арга тоха лов.
Лазаро со к1ал витача,
Хьо езарах, дарб аз лох.
Хьа к1;ьдa дешо, лоц са уйлаш,
Г1абаш теха, есар мо.
Хьа еларо, йоакхо лу сона,
Нанас ший бер, хьосташ мо.
Хьо ца хилча, хурга дац дуне,
Сел хьамсара хьо йоландаь.
Хьо йовзарах, доккхал ду аз,
Хьа шин б1аргах толам баь.
Хьо ца хилча. Если бы не было тебя
© Copyright: Ахмед Хамчиев, 2023
Свидетельство о публикации №123011006125
Свидетельство о публикации №123011006125
Рецензии