Рик1ел алай мармардин къван,
Сифте муьгьуьббат хьана кьван.
Рик1из акваз,вилиз такван-
Хажалатдин пар хьана кьван.
Хиялар зав са-сад кик1из,
Рик1 ишезва, мез зи галк1из.
Низ арзайин? Хьанва гъарик1,
Яр такваз зи пад жезва рик1.
Зун ишезва, азиз вахар,
Туьд ац1ана къвезва кьагьар.
Яр хьана зи къелби-къара,
Эхиз жедан дердер пара?..
Жаваб гайи заз, яр, бере,
Ширин темен хьуй ваз жерме.
Къуз ракъар хьиз,йифиз - варцар,
Чун сад садаз кьисмет хьуй, яр.
1975 йис.
Фаизадин мани
© Copyright: Нажмудин Шихнабиев 2, 2023
Свидетельство о публикации №123010600330
Свидетельство о публикации №123010600330
Рецензии