Як хораша спявала маці,
Наводзячы парадак у хаце!
На вокнах -новыя фіранкі,
Галосіць певень каля ганку.
Спявала пра валошкі ў полі,
Спявала аб жаночай долі,
Аб тым,як ішлі на бой салдаты
(Не многія прыйшлі да хаты...)
З сястрыцай, седзячы на печы,
Мы песні слухалі,малечы.
А баба Маша завіхалася,
Каб цеста ў дзежцы падымалася.
Скварчэла сала на патэльні -
З блінцамі смачна было вельмі!..
Стаяў Вялікдзень ля парога -
Жыцця над смерцю перамога !
Матчыны спевы
© Copyright: Лариса Гулковская, 2023
Свидетельство о публикации №123010503974
Свидетельство о публикации №123010503974
Рецензии