Атам-анам - эки къолум,
Сиз саулукъдан - джарыкъ джолум;
Атам-анам - эки аягъым
Миндирелле тик къаягъа;
Атам-анам -кёзлерим,
Биринчи айтхан сёзлерим;
Атам-анам - билеклерим
Уллу Аллахдан тилеклерим:
Сизге саулукъ, къаты иман,
Кёб джашагъыз, атам-анам!
Атам-анам алгъышымда,
Кече-кюн да сагъышымда;
Атам-анам -къанатларым;
Толуб баргъан муратларым.
"Сау бол",- дейме экигизге,
Юретдигиз мени тюзге;
АльхамдулиЛлах, джокъду хатам!
Анам - Лиза, Умар -Атам.
Атам-анам
© Copyright: Мёлек Хубий, 2022
Свидетельство о публикации №122122208226
Свидетельство о публикации №122122208226
Рецензии