***
Цёпла табе, мамачка, цёпла табе, родная,
Пад сняжком пад беленькім зімаваць?
Можа, хустку цёплую, што любіла, сінюю
Мне на крыж твой схілены павязаць?
Можа буркі новыя з мяккімі анучамі
На магілку ў ногі табе пакласці?
Са слязамі, мамачка, познімі ды горкімі
На грудок замецены твой упасці?
Мо, кухвайку чорную з шафы, што за грубкаю,
На магільны ўзгорак твой разаслаць мне?
Цёпла табе, мамачка, цёпла табе, родная,
Пад сняжком пад беленькім зімавацьме...
11. 12. 2022 г., Калодзішчы
Цёпла табе, мамачка, цёпла табе, родная...
© Copyright: Юрий Боровицкий, 2022
Свидетельство о публикации №122121105086
Свидетельство о публикации №122121105086
Рецензии