АТАМА
Сабийликден атасыз къалып,
Ёксюзлюк сынагъанса, атам.
Тилейме, барсын жолунг жарып,
Ачыу кёрмей, багъалы атам.
Байлыгъым, ышаныуум да сен,
Жаным къурман болсун жанынга.
Сенсиз жашауну кёрмейим мен,
Туудукъла чапсынла аллынга!
Сабийликни кёрмединг атам,
Бир бек эртте къалып атасыз.
Балхам болсун жанынга ананг,
Этмесин Аллах сени ансыз!
Къор болайым сени жанынга,
Болалырбызмы сенича биз?
Къуллукъ этдинг сен Аллахынга,
Ыразыды санга элибиз.
Жарыкъ юйюнгю жокълап къолай,
Атлагъан жолунг мамукъ болсун.
Бар этген муратларынг тола,
Халал жюрегинг жарыкъ болсун!
Атама
© Copyright: Исмаил Бейтуганов, 2022
Свидетельство о публикации №122120900318
Свидетельство о публикации №122120900318
Рецензии