КЁЗБАУ
Кючлю не бай болгъанлагъа,
Кёзбау этебиз аяусуз.
Амалсыз болгъан адамгъа,
Ыспас да жокъ, ол - къарыусуз.
Эки къоншу юйде - бушуу,
Бай арбазда адам толу.
Анда жюрюйдюле аш-суу,
Тепленнгени андан жолну.
Ол - къолундан келген адам,
Бирси уа – кёпге къарыусуз.
Алай къадар этип алам,
Жашайды мудах, жарыусуз.
Бир жан ие жокъ арбазда,
Жалан жангыз къарындашы.
Киши кёрюнмей дууада,
Этилирге керек ашы…
Сансыз болгъан ол жазыкъгъа
Бир бек къыйналды жюрегим.
Ол арбазда жарлылыкъгъа
Къарап, анданды кюйгеним.
Кёзбау
© Copyright: Исмаил Бейтуганов, 2022
Свидетельство о публикации №122120900284
Свидетельство о публикации №122120900284
Рецензии