Аламатдин йиф тир сенфиз, фин тийиз зун ахвариз.
Экуьналди амукьна зун тIебиатдиз ялвариз.
Йиф мичIи тир. Цава – гъетер… варзни – сирер ахъайиз,
КIанзвай хьиз, налугьуди, дердер завди апайиз.
Са легьзеда акуна заз: варз булутрик акахьна.
МичIи хьана, гуя даим вацран нурар хкахьна.
Япариз зи гьар жуьредин ванерни къвез, икI хьана,
Гагь къиб рахаз, гагь цIицI рахаз, ширин мани гьикI хьана?
Мичекдини, пIуьв-пIуьв ийиз, вичин карни аквазвай.
Садлагьана шуршурдин ван хьана, булах рахазвай.
КIандай рикIиз, йиф акъудиз, патав кIани яр хьана.
… Ракъин нурар акьунмазди, хиялрикай гар хьана…
Варз хьиз катиз, чи къакъатун давамармир, ширинди.
Минет я ваз: заз и дуьне чIулавармир ширинди.
Аламатдин йиф тир сенфиз, фин тийиз зун ахвариз
© Copyright: Тамила Хуршидова Салманова, 2022
Свидетельство о публикации №122120600091
Свидетельство о публикации №122120600091
Рецензии