Жанавур кьаз эцигнавай ракьара
Гьатайди хьиз авай зун и йикъара.
Рагъ авайтIан, экуь дуьне мичIи тир,
Батмиш жезвай вилерай фей накъвара.
Зун нубатсуз шагьид хьана са кардин
Тереф хвена сенфиз акур-ахвардин.
Сабур хвенач, мад са гъалатI тикрарна,
Тахсир квачиз, хатур хана за ярдин.
Завай яргъа авунач ам зи къалди,
Чи араяр чIур хьанач и йикъалди.
Милиз хъуьрез хтана ам къаншардиз,
Тажубарна зун кIанидан камалди.
Жанавур кьаз эцигнавай ракьара
© Copyright: Тамила Хуршидова Салманова, 2022
Свидетельство о публикации №122120600089
Свидетельство о публикации №122120600089
Рецензии