Хуьре гьаваяр кьежейбурни куьц1ейбур хьанава. Гуьлуьшан йикъар амач. Бакудиз хъфиз гьазур жен герек я!-
лугьузвай Жалал муаллимдин пост акуна...
тади кваз кхьенвай цlарар...)
Къачумир на тади Бакудиз хъфиз,
Са къирав акуна кичlе жемир ваз.
Хадачни бес вакай Хулухърин кефи -
Къакъатунрин туькьуьл ам хифетдик кваз?
Гатфар ахъа хьана вилив хвена вун,
Суварин цуьквери ваз гъил эляйна.
Геж хьана - хтана амма гена вун,
Ватандин гьавадихъ дидар геляйна.
Бакудин чимерал жемир вун алцур,
Адан гараркайни гъуцари хуьрай!
Ватандин гьар са къван, гьар са гъвечlи чlур,
Женнет я, хъуьтlуьзни тан, рикl ифирдай.
Акъатдач хиялрай зи юкъуз, йифиз,
Сувар хьанвайди я чаз сенгер, кlеви.
Къачумир на тади Бакудиз хъфиз,
Ихтибар чир хьурай дагъларизни чи...
12.09.2022
***
© Copyright: Намик Фарзалиев, 2022
Свидетельство о публикации №122112900995
Свидетельство о публикации №122112900995
Рецензии