***

Вуч ятla къе патриотвал,
Вучна кlанда?
Вун куьн патал
Хьана кlанда,
На гьин патахъ гужна кlанда?
Ватанперес лугьузва низ?
Чlехи гафар ийирбуриз, туьд яргъи из?
Тахьайтlа а,
Чими, хъуьтуьл креслойрал
Эцигна тум,
Руфун хашал,
Тапарунрин алай кашал,
Эмирар гуз авайбур ян?
Ялиз гьулкьум?
Белки лугьун,
Вирид патал кхьенвач бурж:
Ватан къургъун?
Белки гьа икl хьана кlанда,
Вичин патал дидейри, ваъ -
Кьамар яцlу, жибинар бул,
Халкьдихъ кудай авачир тlул...
Къатангъазриз чпин велед
Хана кlанда?
Хана, хвена, чlехи ийиз,
Акъуддайди аял кьилиз
Диде - буба!
Са куьмекдин гъил кьадач ваз
Са алчахди,
Везифа гвай къурумсахди...
Девлетдиз пул авач лугьуз,
Ийиз туба!
Нез гьавайи, хъваз гьавайи -
Тlуьрай агъу!
Кефинава, чlугаз тек са
Чпин къайгъу.
Гьатунмазни крар яцlа,
Кесибар я цlани вацlа...
Вуч я къе де патриотвал,
Куьне лагьа!
Гьикl вугурай язух дидед,
Фагъир бубад
Авай са хва?
Вуч паталди, куьн паталди?
Гьарунбури мадни гзаф тlуьн паталди?!
Эциг мизан, эциг терез -
Тфенг такур аялдилай туш зун мерез.
Зун фида, къуй гьарунбуру
Кеф чlугурай, тlимил талгьуз.
Фин тавуртlа,
Де гьа чlавуз
Хаин я лагь!
Туш лагь има
Валлагь - биллагь
Ватанперес!
29.09.2022